حياة سيتي وسيدي بمكة الحبيبة

قبل المغربية مع خالة خيرية تزهم وتنادي إنتي فين يابدرية

بدرية في السطوح مع علوية يفرشو الطراريح ويخشخشوا الناموسية

يالله يابنت إنتي وهيا بسرعة شوية حاضر يا أمي دقايق ونخلص من القضية

واد يا أسعد فين أخوانك البقية في الزقاق بيلعبوا عسكر وحرامية

أزهم عليهم يطلعو لا تجيهم الجنية صلي عالنبي ياأمي دي ساعة مغربية

صدقة يا عباااااااااس أطلعو بلا أزية طيب طالعين خلاص مع ستي مهدية

مهدية لخيرية أولادك هدول فرفوشية زفوني في الدرج يقولولي ياستنا ياعسلية

عباس مجروح في رجلو بقزازة مرمية وصدقة ببجامة مقلمة وصخة زي الميكانيكية

خيرية .. إيش هادا حسبي الله عليكم شقاوية مهدية ...لا تضربيهم عشاني وإنتي رضية

حاضر ياأمي عشانك بس المرة دية يالله قدامي إنت وهو أتروشوا من الحنفية

وإنتي يا أمي أجلسي جمب المصلية عشان إذا أدن تصلي المغربية

وإنتو يابنات يالله تعالو نسوي المقلية ونزبط زلطة الحومر والفلفلية

بعد المغربية ، ياولد ياساتر طريق ياخيرية أتفضل يبو اسعد مافي غير عمتك مهدية

كيفك ياعمة نورتي البيت ياعودة وعنبرية تعيش ياجوز بنتي كلك ذوق ومفهومية

هيا سموا بالرحمن ونقنقو من المقلية ونونو نونو لقمة هنية تكفي مية

أسعد يوشوش أبوه يبغى هدية ماشاء الله نجح وأتخرج من الثانوية

أبشر ياولدي بس تجي فلوس الإكرامية ولايهمك يبويا مافي مشكلة حصبر شوية

ياواد عباس إيشبها كدا رجلك ملوية دخلت فيها قزازة يبويا من العصرية

تاني مرة فتح عينك لا أخرملك هيه ولا اشوفكم تلعبو حفايا ترى تاكلكم التكرونية

بدرية .. يبويا فين حتودينا هادي الصيفية والله يابنتي كالعادة الطايف حي البخارية

الله يسعدك يبويا نبغى أبها البهية يابنتي أبها بعيدة مرررررة وسفرية

خلاص اللي تشوفو يا أغلى أب في الدنيا ديه بنت ياعلوية ناوليني الكمر حقي والسديرية

أنا خارج دحين ياخيرية رايح الشامية أودي صك الوقف حق بيت السليمانية

خلي الأولاد يسبقوني للحرم تحت المكبرية عشان نصلي العشا ونكسب الفرض سوية

بعد العشا وفي السطوح عند المشربية خيرية تفت العيش في الحليب وبدرية مسلقحة متحنية

هاتي ياعلوية الجبنة البلدي والحلاوة الطحينية وكمان كم بيضة نسوي شكشوكة في الصينية

لمة حلوة وظريفة وعيلة عفوية أتعشو وعليهم بالخير يدوروا عالناموسية

عشان يصحو بدري مع أدان الفجرية لاسهر لاكسل يومهم كله نشاط وحيوية

فينك يا ايام زمان تشوفي حالنا والفوضجية مانعرف راصنا من رجلنا وحياتنا سارت ملوخية


يسلم فمك

حقيقي قصه مسلية بس السؤال هل بمكة ههذه القصة لا يوجد دليل على هذا وأن كاننت بمكة هل لأنك من أرض الحجاز كما مكتوب أسفل صورتك بالمساهمة متحيزة لأرض الحجاز أم لأنها أرض المسلمين والأسلام رجاء الأيضاح الأخت forgiveme ,a;vh

والله معك حق حسام المطلوب ايضاحات اكتر من هيك

والله ممتاز الموضوع ما عليكي بيهم وشكرا على مجهودك الممتاز

آسفةاذاكان الموضوع غير واضح او غير مفهوم لاني مكاوية من ارض الحجاز فهذه الدراماهي بتحكي عن عادات وتقاليد اهل مكة زمان قبل 30 سنة الوالد كان يحكينابايام مكة زمان(ألاليت الشباب يعوديوما فاخبره بما فعل المشيب).

ما عليكي والله ممتازه دول غيرانيين منك كفايه أسمك لوحده قصه

يا جماعه القصه مو حلوه للدرجه دي عشان كلكم تردو عليها
دي قصه عاديه جدا
ليش عاملين ضجه عليها
عادي ولا تعطوها وجه
دي كل اللى في بالها انها تكون رقم واحد فى الأعضاء
وما بحقق لها مرادها ابدا

طبعا تقول هيك عشان بنت ولو ولد ما كنت قولت هيك

مو عشان صبيه لا عشان الموضوع حلو مره وانتى شو دخلك ليش غيرانه منها

ان شاء الله تكون فورجيف مي احسن عضوه بالمنتدى المهم انتوا ما اليكم دخل بيهم وين موضوعاتكم وبعدين حكوا

ممكن تصلوا على النبي ورمضان كريم

سؤال ياحلوين مين رقم 1 بالمنتدى مو أنا خلاص كفاكم كلام

موضوعك جميل وربنا يوفقك

عندى اقتراح لو نتخيل بعض انا وانتى وونرجع بالذكريات بس تكون فى هذا العصر على الكمبوتر والبلاك بيرى شو حتكون القصة
رجاء تكتبي لنا قصه كمان تكون بهذا العصر وما تنسى انا البطل وانتى البطلة واذا نجحت نتجوز
تمام حنتظر الرد

شو يا زلمي بدري علي الجواز انا لسه زغنوتة وبدري علي هههههه